اک چیخ اور بعد میں صدیوں کی خامشی

اک چیخ اور بعد میں صدیوں کی خامشی
جسموں کی بے وفائی پہ روحوں کی خامشی

قدرت مصوری میں ہے مصروف رات دن
شکلیں شدید کرب میں، رنگوں کی خامشی

دھرتی کی دھڑکنوں کو فقط ہم نہ سن سکے
کہتی تھی ورنہ کچھ تو پرندوں کی خامشی

روئی ہیں سن کے یہ بھی ہواؤں کی سسکیاں
ٹوٹی ہے پہلی بار چٹانوں کی خامشی

اک نسل درس گاہوں کے ملبے میں کھو گئی
دل چیرتی ہے ماؤں کے بستوں کی خامشی

بڑھتا رہا زمین کی ہر تہہ میں اضطراب
دیکھی گئی نہ اس سے درختوں کی خامشی

محمود شام

Latest posts by ماہ نامہ اطراف (see all)

پاکستان کے سارے شہرو زندہ رہو پائندہ رہو۔ روشنیوں رنگوں کی لہرو زندہ رہو پائندہ

آج اتوار ہے۔ برکتوں رحمتوں مغفرتوں والے مہینے کا پہلا اتوار۔ اب تو آپ اور

شکستہ خاندانوں کی ہری شاخیں برانڈڈ خواہشیں لے کر پہنچتی ہیںتو برقی سیڑھیاں ان کے

بغض کے دشت میں بھٹکے ہوئے دنخبث باطن سے تڑختے ہوئے دناپنا جغرافیہ کھاتے سرداراپنی